Iwacu mu cyaro…….Umunyeshuri wo mu mashuri abanza iwabo mu rugo

Inkuru ya Jean Claude Nkubito

Nari ngarutse nyuma y’iminsi mikuru ya Noheli n’ubunani, ngo twisubirire iwacu mu cyaro. Uyu munsi ababaye mu cyaro turibukiranya uko byagendaga iyo twatahaga tuvuye ku ishuri.

Amashuri yatangiraga hagati ya saa moya n’igice na saa mbiri na makumyabiri, kuko byagiye bihinduka. Saa sita twararuhukaga tukagaruka saa saba n’igice. Kugera mu wa gatandatu barangizaga saa kumi n’igice, uwa karindwi n’uwa munani bakarangiza saa kumi n’imwe.

Na none ariko abo mu wa mbere kugera mu wa gatatu bigaga mu byiciro, bamwe igitondo abandi ikigoroba. Iyo twageraga mu rugo rero twambaraga imyenda yo gukorana, yabaga icitse, ndetse rimwe na rimwe ari iy’ishuri yashaje itabasha gusubira ku ishuri. N’ubwo ubu havugwa ibyo kwigira mu rugo ugasubira mu masomo, mu gihe cyacu twigiraga mu ishuri bigacira aho.

Mu rugo rero abahungu bafataga ikivomesho bakajya kuvoma, abandi bakajya kuragira, bashiki babo bagafatanya n’umubyeyi w’umugore gutegura iby’umugoroba, abagabo babaga bajyiye kugorobereza mu kabari.

Ku kabari rero, iwacu twahitaga kuri Cité, hari utuzu dutatu ku muhanda bacuruzamo urwagwa bakabyita gupima atari ibi byo kwa muganga bapima indwara. Oya, bapimaga inzoga, mu icupa rya primus cyangwa rya wisiki, umuntu akaryishyura akarinywa akagerekaho n’irindi ni uko. Abagore bajyaga mu kabari bari bake cyane kandi bazwi nabi ku musozi bakanabigayirwa.

Washoboraga kujya ku kabari udafite amafaranga abayafite bakakuvumbya. Waba utajya ugura na rimwe, ukanengwa, bakavuga ko ngo unywa iz’abazimu, kuko uwakuvumbyaga yashoboraga kugufatira icupa nk’umwana ngo arebe ko udakurura cyane kuko icupa ryabaga ribonerana !

Hari abagabo batajyaga mu kabari bakaba bake, abo iyo batahaga bahitiraga mu rutoki bakarwitaho bagongora (kugabanya ibihokohoko- la couche) intsina cyangwa bageshura ( kugabanya amakoma) kugeza ubu amazina ahuriweho mu kinyarwanda ntayo nzi !

Umugore mu rugo ariko na we ntiyicwaga n’inyota ! Yabaga afite icyo bitaga ikibindi. Ikibindi rero ni imvuzo zo mu nzoga yamaze gushya, bengeragamo ibitoki bitahiriye rimwe n’ibindi ( imipfube) bikabyara inzoga, umugore akazajya ayisangira na bagenzi be kugeza ubwo indi nzoga y’urwagwa ihiye. Izo mvuzo mu Kinyaga bazita Urukoma, kikaba kizira ko umugabo anywa urukoma. Ntibyatangazaga rero ko umugore na we asinda ku kagoroba kuko ikibindi cyabaga kirimo inzoga ibasha gusindisha. Abana na bo bashoboraga kunywa ku kibindi dore ko cyabaga giteretsi mu kirambi ku rugata kandi utamenya niba banyoyeho.

Nk’uko nigeze kubisobanura,abana bo mu Kinyaga batangiraga kunywa urwagwa bakivuka, natwe twese twajyiye tuzireka tugize nk’imyaka 12 !

Ku mugezi rero iyo wajyaga kuvoma ntiwagendaga wenyine wajyanaga n’urungano. Impamvu si ugukunda urugomo, ahubwo ni uko iriba ryabaga ririho abantu benshi kandi ari rimwe, ku buryo washoboraga gutaha bwije, utinze Kandi wenyine bikaba byiza utaje usitara uri wenyine ntawe muganira. Mu mvura ho rwose washoboraga no kwitura hasi, waba wikoreye indobo ukayamena, waba wikoreye igicuma kikameneka, akeso (akabindi gato) bikaba uko. Akenshi rero gutahana n’abandi mu bunyereri kandi bwije byamaraga umuntu igihunga bityo ntasitare ngo amene amazi n’ikivomesho.

Abagiye kuragira bo batahaga nka saa moya, bagahura n’abavuye kuvoma, bagakaraba yemwe aho, abatetse bakaba bahishije, abo ku kabari batashye, bakicara bagasangira. Abantu bariraga hamwe kandi rimwe, bidatewe no gutinya ko biba bike kuko byabaga bihari bihagije, ahubwo kuko babaga bacanye itara rya peteroli cyangwa se agatadowa, kandi peteroli yabonekaga bigoye. Mu gihe cy’ukwezi ho rwose bashoboraga kurira hanze ku rumuri rw’ukwezi bakarengera peteroli. Impamvu yo kubura amafaranga si iyindi, mu cyaro habaga ibintu hakaba amafaranga make. Uwagiraga amafaranga ni mwarimu cyangwa undi wabaga afite akazi kayamuhemba mu nganda z’ibyayi, uwabaga yarishyuwe urwagwa yagurishije, n’uwabaga yaragurishije ikawa. Imyaka nk’ibishyimbo n’imyumbati ntibyazanaga amafaranga ahagije kuko wabigezaga mu isoko ugasanga n’abandi bazanye nka byo ukabigarura cyangwa ugahendwa ugataha. Habagaho no kugurisha amagi, akagurwa n’abarimu cyane cyane, mu biturage amagi ntiyaribwaga yaragurishwaga akagura ikibiriti akagura iyo peteroli n’ako kunyu. Gusa umunyu wo wakundaga kuboneka kuko abashikazi barawuzanaga tukabaguranira tukabaha ibishyimbo. Umunyu na none ugahenda kurusha ibishyimbo, kuko bazaga ku mwero wabyo. Bazaga ari babiri, umwe ahetse urutanda rw’umunyu undi ahetse urujyamo ibishyimo. Icyadutangazaga ni uko batitaga ku mabara y’ibishyimbo bahawe byabaga bivangavanze kuko buri rugo rwagiraga imbuto yarwo. Uwo munyu uguranye ibishyimbo washoboraga kumara nk’amezi atandatu utawutanze cyane dore ko mu cyaro basabanaga umunyu nk’ibintu bisanzwe. Abantu bose baryamaga kare kubera ikibazo cya peteroli, ubwo bakugarira.

Amatungo amwe yabanaga n’abantu mu nzu andi akagira inzu yayo aho mu rugo nk’ibintu bisanzwe, ibi byateye by’inzuri zihariye ntibyabaga iwacu dore ko urebye inka itari ku isonga y’ubukungu bwo mu cyaro cyacu, intsina y’urutoki ni yo yazaga mbere. Nkivuga iby’intsina reka mbabwire uko byagendaga iyo ibitoki byabaga byahiye bigomba kwengwa. Akenshi ibitoki byatarwaga ku rusenge bigahishwa n’ubushyuhe buvuye mu ziko kuko urusenge rwabaga rwubatse hejuru y’iziko. Buhoro buhoro imico yo muri Zaire yazanye ibyo gutara mu rwina ari byo twitaga intabo, biva ku nshinga gutabika, ariko abana ntibabikundaga kuko umuneke wo mu ntabo urabiha !Iyo rero mwabaga muraye muri bwenge mwaravomaga impanga igakoboka. Hakaba umuvure w’amazi n’uwo bazengeramo. Akenshi abana b’abaturanyi barabafashaga bakabavomera kuko nta n’umwe bitageragaho. Mu giturage ibi by’amoko ntibyagaragaraga muri ubwo bufatanye bwose nagarutseho, mu kuri nta n’ibyavugwaga wabonaga nta n’ibibaho. Byavuzwe muri za 1990 intambara itangiye. Rimwe na rimwe ibitoki bararaga babitonoye bikazengwa bukeye kare kare. Iyo batonoraga ibitoki abana bazaga gusaba imineke, bikaba ibintu bisanzwe na byo ku musozi nta wabazaga umwana ikimuzanye. Barebaga igitoki cyiza bakakibakuriraho imineke, ariko umwana ugejeje nko ku myaka irindwi ntiyasabaga imineke. Aha ntimwumve ko ari kamaramasenge basabaga cyangwa gros Michel, ni iyi y’intuntu bengaga rwose. Ku munsi wo kwenga na bwo mwazindukiraga kuvoma mbere yo kujya kwiga. Ahantu benze na ho abaturanyi bashoboraga kuza kuvumba umutobe na byo bikaba ibintu bisanzwe. Warahageraga bakamenya ikikuzanye batakubajije bakakudahira mu ruho bakaguha n’umuheha. Ku mugoroba abakobwa biga iyo batahaga bafatanyaga n’ababyeyi b’abagore gusya rwa rukoma navuze (imbetezi), ayo akaba ari amasaka bakarangaga ku ndiba y’ingunguru cyangwa umupfundikizo wayo iwacu twitaga icyano. Ubwo ingunguru nyirizina yabaga yarakozwemo urugi iwacu twitaga umwango cyangwa umurango kubera igiswahili cyo hakurya. Abahungu bageze nko mu wa gatandatu bashoboraga gufatanya na ba se kwenga, icyo gihe ntibabaga bakivomera ibitoki. Umunyeshuri rwose yakomezaga ubuzima n’imirimo isanzwe yo mu rugo, ku buryo bamwe mu babyeyi batatinyaga gufata ishuri nk’iribahombya kuko ribuza abana kwitabira imirimo. Ni na yo mpamvu abenshi bamaraga kumenya gusoma no kwandika bakarivamo.

Uretse ishuri risanzwe ariko habagaho n’ishuri rya gatigisimu ku wa gatatu no ku wa gatandatu nyuma ya saa sita. Iryo bigiragamo gukomezwa no kubatizwa, wasangaga bose bumva ari ngombwa kuko utabatijwe ntukomezwe ntiwashoboraga kuzashyingirwa mu kiliziya.

Mu rugo ariko umwana yashoboraga no gutumwa gufasha abaturanyi ndetse no kubaraza bibaye ngombwa. Yashoboraga kujya kubafasha kuvomera ibitoki, yashoboraga kujya kuraza umugore umugabo we yarazindutse, bikaba ibintu bisanzwe urebye ntibyabaga na ngombwa kubisaba abaturanyi baribwirizaga.

Mu biruhuko ho rwose umunyeshuri yakoraga imirimo myinshi cyane kuko iyo yabaga agimbutse gato banamukwikiriraga isuka akajya guhingana n’abakuru. Urebye neza rero, mu gihe mu mijyi kwiga ku mwana aba ari nk’ikintu ngombwa, iwacu mu cyaro byakorerwaga gutinya igitsure cya leta. Dore ko hari ubwo bagusibishaga ishuri ngo ubundi se wigaga ngo uzabe Bideri,uzabe Gahamanyi…byo kukubwira ko ntacyo kwiga bimaze. N’imigani myinshi mu cyaro wumvaga bavuga ngo Uwize yize cyera cyangwa ngo amahirwe aruta amashuri.

Ubutaha tuzaganira ku munyeshuri wo mu yisumbuye uko yafatwaga mu cyaro.

Jean Claude NKUBITO

10 Mutarama 2022

19 thoughts on “Iwacu mu cyaro…….Umunyeshuri wo mu mashuri abanza iwabo mu rugo

  1. Hi, I do think your site could be having internet browser compatibility issues.
    Whenever I look at your web site in Safari,
    it looks fine however, when opening in IE, it has some overlapping issues.
    I simply wanted to provide you with a quick heads up!
    Other than that, wonderful blog!

  2. Everything is very open with a precise explanation of the challenges.

    It was truly informative. Your site is useful.
    Thanks for sharing!

  3. Very nice post. I just stumbled upon your weblog and wanted
    to say that I have truly enjoyed surfing around your blog posts.
    In any case I’ll be subscribing to your feed and I hope you write
    again soon!

  4. When someone writes an piece of writing he/she maintains the plan of a user in his/her mind that how a user can know it.
    So that’s why this piece of writing is outstdanding. Thanks!

  5. An interesting discussion is worth comment. I do believe that you ought to publish more on this issue, it may not be a taboo matter but typically folks don’t speak about these topics. To the next! Kind regards!!

  6. Howdy, i read your blog from time to time and i own a similar one
    and i was just wondering if you get a lot of spam remarks?
    If so how do you prevent it, any plugin or anything you can recommend?
    I get so much lately it’s driving me crazy so any assistance is very much
    appreciated.

  7. Do you mind if I quote a couple of your posts as long as I provide credit
    and sources back to your weblog? My blog site is in the exact same niche as yours and my users
    would genuinely benefit from a lot of the information you provide here.
    Please let me know if this alright with you. Thanks a lot!

  8. I’m amazed, I must say. Rarely do I come across a blog that’s equally educative and entertaining, and without a doubt, you’ve hit the nail on the head. The issue is something which not enough people are speaking intelligently about. I’m very happy I found this in my hunt for something relating to this.

  9. I was curious if you ever considered changing the page layout of your website?

    Its very well written; I love what youve got to say.
    But maybe you could a little more in the way of content so people could connect with it better.
    Youve got an awful lot of text for only having 1 or two pictures.
    Maybe you could space it out better?

  10. Asking questions are genuinely fastidious thing if you are not understanding anything entirely,
    however this article offers fastidious understanding even.

Leave a Reply

Your email address will not be published. Required fields are marked *