Jado Castar’ arazira iki harya? Dilu y’abanye Braziri kazi ntiyanayishobora.

October 13, 2021

Abarebye: 8,060

Visi perezida w’ishyirahamwe rya Volleyball mu Rwanda yatawe muri yombi mu iperereza rigendanye no kuvanwa mu irushanwa rya Africa kw’ikipe y’u Rwanda y’abagore, nk’uko ubugenzacyaha (RIB) bubitangaza.

Bagirishya Jean de Dieu, usanzwe kandi ari umunyamakuru w’imikino uzwi cyane nka Jado Castar, ni we wafunzwe, asanzwe ari visi perezida w’iryo shyirahamwe ushinzwe ibikorwa.

Umuvigizi wa RIB Thierry Murangira,yemeje ko koko Bagirishya acyekwaho icyaha cyo gukoresha inyandiko mpimbano mu gukora akazi ke. Bagirishya we yararuciye ararumira.

Mu butumwa bwanditse, Murangira ati: “Iperereza rirakomeje mu kureba uruhare rw’abandi bagize iryo shyirahamwe.”

Ikipe y’u Rwanda yakuwe mu irushanwa ry’igikombe cya Africa cy’abagore i Kigali tariki 19/09/2021, nyuma y’ibirego by’amakipe ya Nigeria na Maroc, u Rwanda rwari rwatsinze.

Ibirego byari bishingiye ku gukinisha abakinnyi bane bakomoka muri Brazil bivugwa ko bakinishijwe mu buryo bunyuranyije n’amategeko. Minisiteri ya siporo mu Rwanda yahise yikura mu isoni isohora itangazo rivuga ko igiye gukora iperereza ku ihagarikwa ry’ikipe y’u Rwanda.

Irushanwa ryasojwe ryegukanwa na Cameroun itsinze Kenya ku maseti 3 – 1.

Gusezererwa kw’ikipe y’u Rwanda kwateye uburakari abafana bamwe bavuze ko abakoze amakosa “bakojeje isoni igihugu”, bamwe mu bafana basabye abarebwa n’icyo kibazo bose “kwegura”.Mu bari bategerejwe kwegura,harimo nka Ministre ushinzwe siporo,abashinzwe abinjira n’abasohoka,RIB itaramenye ko yinjiriwe,…

Visi perezida wa volleyball mu Rwanda, Jado Castar, yakatiwe imyaka 2 mu rubanza rwihuse cyane bIdasanzwe.

Baririshya Jean de Dieu — Bagirishya Jean de Dieu yemerewe kujurira ku gifungo yakatiwe

Amakuru atugeraho ava mu Rwanda avuga ko visi perezida w’ishyirahamwe rya vollyeball muri icyo gihugu, Bagirishya Jean de Dieu, uzwi nka Jado Castar, yakatiwe igifungo cy’imyaka ibiri.

Bwana Bagirishya usanzwe uri n’umunyamakuru w’imikino uzwi cyane, yafashwe itariki 21 z’ukwezi gushize aregwa gukoresha inyandiko z’impimbano.

Izo nyandiko bivugwa ko ari zo zifashishijwe mu gukinisha abakinnyi batabyemerewe mu kipe y’u Rwanda ya volleyball y’abagore mu irushanwa rya Afrika riherutse kubera mu Rwanda.

Gukinisha abo bakinnyi bava mu gihugu cya Brazil, byaviriyemo ikipe y’u Rwanda kwirukanwa mu irushanwa ritarangiye kandi yari yabyitwayemo neza, ibintu byababaje benshi mu bakunzi b’iyo kipe.

Nk’uko amakuru atugeraho akomeza abivuga, urukiko rwa Gasabo rwasomye umwanzuro uvuga ko “Bagirishya Jean de Dieu yemeye icyaha cyo gukoresha inyandiko mpimano” bityo akaba akatiwe imyaka ibiri.

Uwo mwanzuro kandi uvuga ko afite uburenganzi bwo kujuririra icyo gihano.

Uwari umunezero wahindutse umubabaro

Ikipe y’u Rwanda yakuwe mu irushanwa ry’igikombe cya Afrika cy’abagore ryabereye i Kigali mu kwezi gushize, nyuma y’ibirego by’amakipe ya Nigeria na Maroc, u Rwanda rwari rwatsinze.

Ibirego byari bishingiye ku gukinisha abakinnyi bane bakomoka muri Brazil bivugwa ko bakinishijwe mu buryo bunyuranyije n’amategeko.

Aline Siqueira na mugenzi we Moreira Gomes Bianca bakomoka muri Brazil bageze muri iyi kipe mu gihe cy’ibyumweru mbere y’irushanw

Bamwe mu banyarwanda Afriquela1ère.com/rw yabajije uko bumva uru rubanza bahuriza ku kintu kimwe gusa: Ukwikura mu isoni kwa Leta y’u Rwanda. Aba bakinnyi ngo bageze mu Rwanda byemewe n’amategeko,baguzwe na Leta,bahabwa viza n’urwego rw’abinjira n’abasohoka,bishoboka kandi ko banahawe ubwenegihugu,bahabwa amacumbi,bitozanya n’abo bazakinana mu kibuga bazakiniramo nibura ibyumweru bitatu mbere y’uko amarushanwa atangira,kandi Leta yose ibizi neza.

Amasura yabo n’amazina yabo ubwabyo birabigaragaza. Perezida wa Repubulika Paul Kagame we ubwe yakurikiranye amarushanwa yibereye we ubwe,na Minisitre wa sport,mu nzu y’imikino Arena i Kigali aho amarushanwa yaberaga.

Kuvuga ko iyi Dilu ari iy’uyu musore Jado Castar ni ukumwikoreza urusyo,ariko nawe kuba yaremeye urusyo,ni uko yaganirijwe akumvishwa agakino kugira ngo u Rwanda rwikure mu isoni.Bamwe bamushimira kuba ari umukozi mwiza ukora ibyo ategetswe neza cyane,kandi akanemera guhanwa mu mwanYa w’Igihugu,ibintu bikora “intwari” gusa. Birumvikana kandi ko yahawe igihano gito kandi nacyo birashoboka ko atazagikora cyose.

Wowe urabyumva gute? Uyu musore wakatiwe utwaka tubiri,koko niwe nyiri Dilu?

Soma,somesha ikinyamakuru cyawe Afriquela1ère.com/rw umenye ibyagufasha,hamwe n’amakuru y’ukuri yasuzumwe neza.