Donald Trump azakatirwa ku ya 10 Mutarama mu rubanza rwa ‘ruswa’ ariko ntazahanishwa igifungo

Rémy RUGIRA

Ku wa gatanu utaha, Perezida wa Leta zunze ubumwe z’Amerika watowe bwana Donald Trump wahamwe n’icyaha cyo kwishyura mu buryo bwihishe umustar wa za filimi z’urukozasoni Stormy Daniels, azakatirwa ku wa gatanu utaha, ariko mui bihano bimurindiriye nta gifungo kirimo, nk’uko umucamanza yabitangaje ku wa gatanu.

Donald Trump yahamijwe icyaha mu mpeshyi n’urukiko mpanabyaha rwa New York kubera ko yishyuye rwihishwa umustar wa za filimii z’urukozasoni, azasomerwa kuwa gatanu utaha mbere y’iminsi icumi ngo arahirire kongera kuyobora Leta zunze ubumwe za Amerika nka Perezida wa 47 wazo.

Perezida wa Repubulika agomba kwitaba imbonankubone mu rukiko mu majyepfo y’umujyi wa New York wa Manhattan cyangwa akitabira kure kuri videwo, ariko agomba kumenyekanisha “ibyo azahitamo” ku cyumweru, nk’uko umucamanza abitangaza.

Umucamanza yanditse mu cyemezo cye cy’impapuro 18 ko “yumva bikwiye kwerekana ko urukiko rudashaka gutanga igihano cyo gufungwa,” nubwo “igihano nk’iki giteaganywa mu bihano.”

Abaye Perezida wa mbere w’Amerika mu mateka uhamwe n’icyaha

Ku ya 30 Gicurasi, Donald Trump, perezida wa 45 w’Amerika, abaye uwahoze atuye muri White House wahamwe n’icyaha mu mateka y’igihugu.

Inteko ishinga amategeko y’akarere ka Manhattan, iri mu nzego z’ubutabera za Leta ya New York, yasanze ahamwa n’ibyaha 34 byo kwishyura mu buryo bwihishe umustar Stormy Daniels mbere y’amatora ya perezida yo muri 2012, yatsinze.

Nk’uko inkiko zibitangaza, umuherwe yifuzaga ko uyu mugore, Stephanie Clifford ku izina rye bwite, yaceceka ku bijyanye n’imibonano mpuzabitsina baba barakoranye mu gihe gito muri 2006 igihe Donald Trump yashakanaga na Melania. Donald Trump we ariko arahakana ibyo kugirana imibonano mpuzabitsina nyayo n’uyu mu star mu mikino ya porunogarafiya.

Nyuma y’amezi y’ubujurire n’amatora yatsinze ku ya 5 Ugushyingo, abantu ba Trump bananiwe gukuraho iki cyemezo cy’amateka hashingiwe ku budahangarwa bwa perezida, bwakuweho ku ya 1 Nyakanga n’icyemezo cy’Urukiko rw’Ikirenga muri Amerika.

Kubera igitutu kinini cya politiki, Umucamanza Merchan yari yasubitse igihano inshuro nyinshi kuva ku ya 30 Gicurasi, bihumira ku mirari cyane cyane igihe Trump yatsindaga amatora ya perezida.

“Igitero cya politiki kitemewe”

Ku mugoroba, Donald Trump yanditse ku mbuga nkoranyambaga arwanya icyo yise “igitero cya politiki kitemewe” maze yongera kwita umucamanza Merchan, “umurwanashyaka w’intagondwa” kandi yongeraho ko “atubahirije Itegeko Nshinga”.

Donald Trump hanze y’urukiko rwa Manhattan mbere yuko urubanza rwe mpanabyaha mu rubanza rwa Stormy Daniels, rutangira mu mizi i New York, ku ya 14 Gicurasi 2024. © Mark Peterson, AP

Icyifuzo cy’umucamanza cyo gukatira Donad Trump mu rukiko mpanabyaha byanze bikunze “ni igitero simusiga cy’Urukiko rw’Ikirenga ku budahangarwa”, nk’uko byatangajwe n’umuvugizi wa Donald Trump, Steven Cheung. Yamaganye “abahigi b’abarozi” bateguye ibi byose ari bo buyobozi buriho bwa Joe Biden.