U Rwanda rutinya “Jambo Asbl”kurusha ikindi kintu icyo ari cyo cyose kugeza ubu. Ubwoba ni bwose i Kigali kubera ko urubyiruko rw’abanyarwanda bajijutse baba hanze bari kugenda bishyira hamwe.

Ejo tariki ya 01 Gashyantare 2022 nibwo twatangarije abasomyi bacu itangazo rya Jambo Asbl rigaragaza abari muri conseil d’administration (Inama nyobozi) nshya nyuma y’abandi basoje igihe cyabo yayo nk’uko amahame ya demukarasi mu muryango Jambo asbl abiteganya.


”Inteko rusange” ya Jambo Asbl yabereye i Buruseli mu Bubiligi tariki 29 Mutarama
2022, yashimiye Robert Mugabowindekwe, Norman Ishimwe Sinamenye na Alfred-Antoine uzabakiriho bashoje mandat yabo maze itora abazaba bayobora ibikorwa by’Umuryango muri mandat ikurikiraho y’indi myaka ibiri.

Mu bagize inama nyobozi nshya yatowe igatangira imirimo yayo harimo Robert Mugabowindekwe(perezida), Norman Ishimwe Sinamenye Nadine Umutoni na Léon Habyarimana.

LEON HABYARIMANA YAHAGARITSE IMITIMA Y’ABATEGETSI BO MU RWANDA

Ubu mu Rwanda amakuru ari kuhavugwa ni aya Jambo asbl gusa.Babaye bibagiwe gato ibya Uganda,Burundi,RNC na FDLR. Abacurabwenge ba FPR Inkotanyi biyemeje guhagurukira uyu muryango w‘abakiri bato bibumbiye hamwe kubera ko ari abanyabwenge,bakiri bato,bavuga rikijyana mu bihugu byabo barimo,ndetse bamwe bakaba bari no mu nzego zo mu butegetsi bw’ibihugu by’i burayi barimo.

Ikindi kibahangayikishije ni uko aba ba jeunes atari intagondwa cyangwa abahezanguni bo mu bwoko runaka,bakaba bakora ibintu byose bigengesereye amategeko mpuzamahanga n’ay’igihugu,kandi bakaba batarobanura ubwoko(harimo aba hutu n’abatutsi) ahubwo bashaka gusa abantu bafite ibitekerezo byubaka igihugu,byomora ibikomere twatewe n’amateka,n’ibyunga abanyarwanda bose dore ko nta n’umwe mu banyarwanda utarahombeye mu butegetsi bubi bwose bworetse u Rwanda kuva ku ngoma ya gihake,iya gikolonize,n’iya za Repubulika. Uyu murayngo kandi ni ijwi ritabariza abo mu gihugu cy’u Rwanda imbere batotezwa,bamburwa ibyabo,babuzwa amahwemo,baburirwa irengero,bafungwa cyangwa bicwa b’ubutegetsi bubaziza gusa kuvuga ibitagenda. Ubutegetsi buriho ubu mu Rwanda nabwo butoteza bose (abatavuga rumwe nabwo),ubwo rero ubutegetsi buzaza mu bihe biri imbere bugomba gukiza no guhumuriza bose.

Itorwa rya Léon Habyarimana mu buyobozi bwa Jambo asbl bwabujije abayobozi b’u Rwanda gusinzira kubera ko gusa ari umuhungu wa perezida Yuvenali Habyarimana wishwe n’igitero cy’iterabwoba cyagabwe ku ndege yarimo avuye muri Tanzaniya mu ruzinduko rw’akazi,hakaba hakekwa cyane ko yishwe na FPR Inkotanyi n’ubwo inkiko zikigenda biguru ntege mu rubanza rwe.

LEON HABYARIMANA UMUHUNGU WA JUVENAL HABYARIMANA

Ikinyamakuru cya poropagande ya FPR cyitwa Rushyashya.net cyarikoroje mu nyandiko cyahaye umutwe uvuga ngo “Umuhungu Wa Yuvenali Habyarimana Ashimangiye Ko “Jambo Asbl” Ari Agatsiko K’abakomoka Ku Bajenosideri, Karwana No Gutagatifuza Abicanyi” maze cyifatira ku gahanga iri shyirahamwe cyiryita agatsiko k’abakomoka ku bajenosideri ngo gashinzwe gutagatifuza abicanyi.

Abambari ba FPR ku mbuga nkoranyambaga ubu nta kindi bari kuvuga uretse Jambo asbl.

Uyu muryango urimo gutera imbere cyane mu myumvire mu gihe kizaza ushobora kuzaba ari wo ufata iya mbere mu guhindura ibintu bitagenda neza mu Rwanda. Ni abahanga mu gusobanura ibintu byabo,bakorera hamwe,bagira ibanga,ntibatukana cyangwa ngo bajye mu mpaka zibarangaza gusa,ahubwo batanga ibitekerezo nta mususu kandi abanyarwanda benshi cyane babatega amatwi. Banatabariza impunzi z’abanyarwanda ziri mu nkambi hirya no hino muri Afurika cyane cyane izikinyanyagiye mu mashyamba ya Repubulika iharanira demukarasi ya Congo no kuzifasha kubona ibyo kurya,imyenda yo kwambara,imiti n’amakaye abana bigiramo gusoma no kwandika.

Kuba umuryango wa Habyarimana ukiriho,abana be bakaba bagihumeka,umugore we akaba akiriho bibabaza cyane ubutegetsi bw’u Rwanda bwifuza cyane kubagiraho ububasha. Ubanza kwica Habyarimana Juvenal bikibabuza gusinzira kuko umunsi isi yose yamenye ukuri kose ku warashe indege y’umukuru w’igihugu, amateka yose azongera kwandikwa bundi bushya bityo amaherezo y’ikinyoma akagera.

Muri iyi minsi u Rwanda rwasubukuye umubano n’Ubufaransa kandi kimwe mu bintu rwasabye ho impano ni ukuboherereza madamu Agatha Kanziga Habyarimana umupfakazi bapfakaje bikanatera igihugu urupfu rwa benshi.

Mu bagize umuryango wa Habyarimana kandi bifuza gufata ni musaza wa Agatha Kanziga ariwe bwana Protais Zigiranyirazo ubu uri muri Niger,kuko nta cyaha agikurikiranyweho.

Tubibutse ko icyaha ari gatozi ariko ko mu Rwanda icyaha ari icy’inkomoko ko ku bw’ibyo abana n’abuzukuru ba Dominique Mbonyumutwa, abana n’abuzukuru ba Kayibanda Gregoire cyangwa abana n’abuzukuru ba Habyarimana Juvenal bagomba kuzira ibyo ba Se na ba Sekuru “baba barakoze” ariko cyane cyane bazira kuba mu bwoko bw’aba Hutu,ubwoko bwaciwe mu Rwanda.

Ubu mu Rwanda uvuze ko uri Umuhutu urabiryozwa ariko wavuga ko uri Umututsi ukarebwa neza cyane aba Twa bo bahinduriwe izina.

Ese Leta ya FPR Inkotanyi iyoboye u Rwanda kuva 1994 izunamura icumu ryari? Izareka kuvangura abanyarwanda ryari? Izareka gutwerera ibyaha abahutu bose(itagenzura uko ishaka) ryari? Izatangira kubaka ubumwe nyabwo buzunga abahutu abatwa n’abatutsi ryari?

Turifuriza Jambo asbl gukomeza kujya mbere mu kubaka imitima y’abanyarwanda no gushaka ibisubizo by’ibyo bibazo.Andi mashyirahamwe y’abaharanira uburenganzira bw’ikiremwa nyarwanda yose ku isi ndetse n’amashyaka ya politike yifuza impinduka mu Rwanda akwiriye kugera ikirenge mu ndangagaciro za Jambo asbl mu gushushanya u Rwanda rw’ejo hazaza,u Rwanda Gahutu,Gatwa na Gatutsi bazaba biyumvamo kandi bafite uburenganzira bungana.

15 thoughts on “U Rwanda rutinya “Jambo Asbl”kurusha ikindi kintu icyo ari cyo cyose kugeza ubu. Ubwoba ni bwose i Kigali kubera ko urubyiruko rw’abanyarwanda bajijutse baba hanze bari kugenda bishyira hamwe.

  1. Congratulations Jambo asbl & the new executive committee member Léon Habyarimana! Mukomereze aho muguhuza urubyiruko rwuje ubwenge n’ubupfura abafite ipfunwe bipfumbate bakomeze bihe rubanda.

  2. Howdy! Quick question that’s completely off topic. Do you know how to make your site mobile friendly?

    My web site looks weird when viewing from my iphone4. I’m trying to find
    a theme or plugin that might be able to resolve this problem.

    If you have any suggestions, please share. With thanks!

    Visit my website … vpn special coupon

Leave a Reply

Your email address will not be published. Required fields are marked *