Ntitukiri kuri facebook,turi kuri “meta” Isi nshya yo kuri internet!

October 29, 2021

Abarebye: 17,089

Facebook yahinduye izina ryayo yitwa Meta muri gahunda ndende yo guhindura isura y’iyo kompanyi. Zuckerberg nyiri facebook avuga ko yahisemwo Meta, ijambo ry’ikigereki risobanura rifashwe uko ryakabaye ngo – “hirya y’aho”( (au-delà cyangwa beyond). Rifitanye isano n’ijambo “Metaverse”, risobanura ngo “isi yo kuri internet “-ashaka kubaka ISI Nshya itagaragara-yo kuri internet.

Iyo kompanyi y’uyu muherwe ukiri muto ifite gahunda yo gushyira hamwe sisitemu zayo za internet mu by’imbuga nkoranyambaga igakora ikitwa Virtual Reality (VR), [gukoresha ubuhanga bwa mudasobwa ugakora ibintu bisa nk’aho ari ukuri kw’uko ibintu bigenda mu buzima].

Izo mpinduka ntacyo zirahindura ku mashami yayo ariyo Facebook, Instagram na Whatsapp, hahindutse gusa izina rya kompanyi iyakomatanyije.Ni ukuvuga ko facebook whatsapp na instagaram zibaye iza meta,aho kuba iza facebook.

Iyo ngingo ije ikurikiye amakuru y’ibanga twigeze kubatangariza atavuga neza Facebook, ashingiye ku mabanga y’iyo kompanyi yamenywe n’umwe mu bari abakozi bayo,aho yashyize ahabona zimwe mu nyandiko zayo zari zigenewe kuba ibanga.

Boss wa Facebook, Mark Zuckerberg, yatangaje iryo zina rishya kuri uyu wa kane tariki 29/10/2021mu nama yo gutangiza umushinga wagutse wa ”metaverse” – isi yo kuri internet aho abantu bashobora kujya mu mikino, bagakora akazi kandi bagashyikirana mu buryo bw’ubuhanga bwo mu rwego rwo hejuru,ukaba wagira ngo urahibereye!

Yavuze ko izina basanganywe ridashobora gutanga ishusho yose y’ibyo bagiye kujya bakora byose mu gihe kizaza, hari hakenewe guhindura izina.

“Tugiye kujya dukora nk’amashami abiri atandukanye, rimwe ry’ama apps (applications) yacu, irindi ku mbuga zacu nkoranyambaga.

Iyo kompanyi kandi yahishuye ikirango cyayo gishya (logo) kiri ku cyicaro cyayo i Menlo Park muri California mu guhindura logo yayo y’igikumwe cya Ndabikunze( “Like”) hamwe n’ikimenyetso cy’imibare gisobanura ibitagira iherezo (infinity) kiri mw’ibara ry’ubururu.

Zuckerberg yavuze ko iryo zina rishyashya rivuga ko uko umwanya uzagenda ushira ariko abayikoresha batazakenera gukoresha Facebook mu gukoresha ibindi bitangwa nayo (izindi products).

Abantu muri metaverse — Ijambo “meta” riva mw’ijambo ry’iki-Giriki risobanura “hirya y’aho” (au-delà ; beyond).

Impapuro zo mw’ibanga zahishuwe

Izina facebook ryari rimaze kwandavura ukuntu,dore nk’ubu kuri uyu wa kane ikinyamakuru Washington Post cyanditse ko Facebook yahishe amakuru akomeye ku binyoma bijyanye n’inkingo atangwa n’abashoramari n’abagenamigambi ba coronavirus(Covid19).Ayo mabanga nayo yashyizwe hanze mu binyamakuru na Madame Haugen wahoze ari umukozo mukuru wa facebook.

Facebook kandi iregwa guhishira ubushakashatsi bwerekana ko Instagram yononye ubuzima bwo mu mutwe bw’abana b’abangavu, kandi ko bitayoroheye kuvana ku mbuga zayo amagambo yuzuye urwango n’irondaruhu byo hanze ya Leta Zunze Ubumwe z’Amerika.

Ababikurikiranira hafi babibona gute?

Kugerageza guha izina rishya kompanyi biragoye. Zuckerberg avuga ko yahisemwo Meta, kubera ico iryo jambo risigura mu kigiriki – “hirya y’aho”. Ryerekeza kandi kuri “Metaverse”, isi yo kuri internet ashaka kwubaka.

Ariko kandi gutanga izina rishya ni kimwe,gukora ku buryo rifata nabyo ni ikindi.

Bamwe babizi neza bavuga ko Facebook iri kugerageza kuyobya uburari ngo abantu bibagirwe inkuru zitayivuga neza zimaze igihe zivugwa mu bitangazamakuru bikomeye. Abayinegura bavuga ko Facebook yabikoze kuko isigaye imeze nk’uburozi.

Bamwe baraseka bagakumbagara bakavuga ko bisa nko gushaka guhindura “uruhu” gusa,bimwe bizwi nko kwitukuza.

Ikindi gisekeje iyo “Metaverse” ntirabaho. Zuckerberg nawe ubwe yavuze ko ari imigambi,inzozi afite. None kwita izina umwana utaravuka,nta n’inda ye utwite, niba atari ubusazi ni iki? Ntibifashe rwose!

Wari uzi ko hafi amafaranga yose Facebook yinjiza ava mu matangazo yo kwamamariza kuri Facebook na Instagram? Nta handi ikura umutungo wayo,gushaka kuvangira abantu bamenyereye izina rimugaburira,bizamugwa nabi! Wasanga ari nayo maherezo ya kompanyi yabo.

Abandi basesenguzi bavuga ko izindi kompanyi mu buhanga bw’iyakure na internet byagerageje guhindagura amazina yari yarafashe byabaguye nabi.

Wari uziko na Google yihinduye izina ikiyita “Alphabet”muri 2015? None se twese abakoresha google ntitwanze kubihindura? Izina ni irikujije! Biragaragara ko Bwana Boss wa facebook atakiyumvamo iyi bizinesi ye yo kuyobora Instagram na Facebbok,ashobora kuba ashaka kubyisenyera cyangwa yakuyemo aye akaba ashaka kujya mu bindi.

Wifuza kwiyumvira mu cyongereza impamvu nyirubwite atabga yo guhindura izina rya Facebook rikitwa Meta?

Kandi koko iyo ubyitegereje ukareba inzozi ze,ubona ashaka gukora ibindi by’isi zo kuri internet,ashaka kureka facebook akajya mu byo we yibwira ko bizahindura imibereho y’abantu. Guhora anengwa ukuntu ayobora imbuga nkoranyambaga ze, bishobora kuba byaramushegeshe cyane.Ashobora kuba ashaka guhuza imbuga ze zose,noneho akibanda kubyo we yiyumvamo cyane.

Ahasigaye ni ukureka igihe kigatanga igisubizo niba abantu bose bakoreshaga imbuga ze bazemera kujyana nawe muri iyo si nshya ya meta yifuza ko twese tujyamo!

Kurikira Afriquela1ère.com/rw umenye ibiri kuba ku isi hose no muri Afurika by’umwihariko mu ndimi eshatu:ikinyarwanda,icyongereza n’igifaransa.