KUKI LETA Y’U RWANDA IYOBOWE NA FPR INKOTANYI IHISHIRA ZIMWE MU NTERAHAMWE ZISHE ABATUTSI? INKOTANYI ZIFITANYE MUBANO KI N’INTERAHAMWE?

Mwogeye kwirirwa! Uyu munsi ni wa munsi tuganira ku tuntu n’utundi. Ibintu birashyushye, amakuru ni menshi. Hari ibihuha hirya, hino, hari ababinyomoza, hari ababishimangira…..mbese wa mugani w’ab’ubu, “hahiye”. Reka rero tubivuge birangire ikibyimbye kimeneke.

Hamaze iminsi havugwa iby’ivuka ry’interahamwe. Mwaba mwaribajije ku kintu kitwa “Comité nyobozi y’interahamwe” ! Bari hehe? Bakora iki? Batumarira iki muri iyi nduru yose. Dore uko ibintu bimeze!

• Président yari Kajuga Robert yaguye Kinshasa ahunga Juillet 1994
• Vice/Président wa mbere yari George Mpamo, we yarafashwe arafungwa, apfira Arusha.
• V/P wa kabiri, Ephrem Nkezabera yafashwe Belgique 2004, akatirwa 30 ans.

Turacyari kumwe? Kugeza ubu rwose murakoma amashyi, ubutabera bwarabaye. Mugume aho sindarangiza ibya Comité, ubudasa buraje!

• Sécrétaire Generale yari Mbarushimana Eugène. Uyu ntiyafashwe na gato. Leta y’u Rwanda ntiyamubuze kuko ibirori biba kuri Ambassade Bruxelles aba abirimo. Bavuga ko (sinabihamya) ari umunyamuryango wa FPR, kandi akorera Rwandair Bruxelles. Mu magamo make, uyu SG w’interahamwe afashwe nk’icyana cy’ingagi, nk’uko twabivugaga kera, aribyo gufatwa neza.
• Trésorier yari Niyitegeka Dieudonné, aba muri Canada. Akora rwose ingendo Kigali-Canada nta nkomyi, nta kibazo afite ni umwana ujya iwabo ntacyo yishisha.

Ngayo, nguko! Now! Twibaze! Musubiremo numve za mpaka?

Bamwe ngo interahamwe zashingiwe Kampala?

Natwe ngo isi izababana ntoya!

Reba ukuntu twese turi mu mandazi. Reba izo ebyiri za rutura zisigaye, zisoma bene ibi zigakubita agatwenge. Shwi da, ntawe ubabaza amakuru y’interahamwe! Ubu koko tujye impaka za ngo turwane bahari? Ariko muribaza amakuru badufitiye uko angana? Mugihe mujya impaka z’aho zaturutse reka nibarize Leta.

Namenye uwo Niyitegeka ko abaho muri iyi saga ya Sagahutu. Byatumye nibaza byinshi. Niko ko abandi bose bari bagize iyo Comité bafashwe uretse Président wapfuye, bariya babiri mwagiranye iyihe deal(mufitanye gahunda ki) !?

Oya, ihiii, mwirakara se kandi ngo mbajije iki kibazo! Kiri très très PERTINENT (ni ikibazo gikomeye kandi cy’ingenzi). Mwebwe murasekana nabo! Erega twe turababaye maweya, ni twe jenoside yakorewe. Aba bantu umutwe bategekaga niwo watumaze, uraduhekura. Kandi ibyo umutwe wabo wakoze byagize ingaruka ku banyarwanda bose.

Niko mufungiye iki Nkundabanyanga Eugènie wa mucikacumu w’imyaka 80 na Urayeneza Gerard, musize Mbarushimana, Niyitegeka? Mufitanye mubano ki? . Oya, mutubwire! Deal (imipango) mwagiranye na Kigurube wafashe ku ngufu(viol) abana b’abakobwa ba Gitega na Nyamirambo ni iyihe? Ntimushaka kubafata no kuyivuga?

Fine! Mwikureho rero ibigwi bijyanye na gestion d’après le genocide(ibigwi by’uko ngo ari mwe mushinzwe abacitse ku icumu), ngaha ngo mwitaye ku bacitse ku icumu n’ibikomere byabo. Mwiducurika ntituri abana!

Mwebwe mureka amaturufu makuru mukajya kuri za butuyu ngo muduhaye ubutabera?! Nta no kubabaza ngo baze baduhe inkuru neza z’uko batwicaga?

Oya, muhame hamwe tubabwize ukuri! Dore ibi mvuze, abenshi barabitekereza, gusa mwe mukunda abababeshya. Oya sinzababeshya, kubeshya ni bibi! Dupfa ko mushaka kutwifatira kuri genocide, mukadufata nk’inka zabira ngo dukora ibi, twakoze ibi, turi ibi, byagenze gutya….Really(koko)? Ubundi iyo umuntu afite “les cadavres dans ses placards” yicisha bugufi, akavuga ukuri kw’ibyo akora. Iyo yivuga neza ku kintu, agashyiraho na machine yo kumuvuga neza kuri icyo kintu, aba atunze itoroshi kubyo atakoze bijyanye nacyo kandi binini cyane. Maze bikaza byose byose uko byakabaye dans leur splendeur!

Iyo mufunze Urayeneza, Karasira na Idamange ngo bapfobeje genocide muba mucanye amatara kuri Mbarushimana tukibaza ibyanyu nawe. Iyo abacikacumu bamwe bavuga ngo nta makuru abishe batanga, baba bacanye maremare ku wo batabaza kandi babizi neza ko yabaha amakuru.

Umva? Ararekwa ntashira! Ibi bihe ntako bisa.

Buri wese araza akabeshya agakubita ibintu ngo jyewe ndi umwere, kwica byakozwe n’uriya. Buri wese akigira igitanganza, ngo mbese mwambonye n’ubwiza bwanjye, abandi bari babi cyane.

Bose bakajyaho bagahimbaaa, natwe turaho tureba, dukanuye amaso twumiwe.

Ibi bintu simbyumva, abantu babeshya ibintu biriho, byabayeho, bagahimba indi nkuru ngo paa! Cyangwa bagahakana ibindi byabayeho bigaragarira bose. Ok! Buri wese abeshye! Tugeze mu mahina, kuko uko babeshye hari abababeshyuza, tukajya impaka. Hari abadashaka kumenya ukuri, kuko uko bazi bari confortable badashaka kumenya ibindi. Jyewe ndashaka na détail à la “Inspecteur Columbo”.

Kuva bose bashaka kugoreka amateka, noneho ibizwi byose bijye hanze, tumenye qui a fait quoi (uruhare rwa buri wese n’ibyo yakoze)?Cyangwa se bavuge amateka uko ari yaba meza kuribo, yaba mabi. Kuko ibihishe byose bigeraho bigahishurwa.

Hehehe! Mukora amabi, ntimwari muzi ko hazabaho technologie, bikajya bimenyekana ku isi yose, n’est-ce pas? Ikimbabaje ni abakoreshwa amabi ubu bakiva inyuma, babona ibiriho biba. Bakomeze babashuke, buri gihe za Butuyu nizo zihagwa.

Reka ndangize mbazanira amagambo y’umuhanga, avuga ku ba Présidents bose babayeho, n’abazaza ngo babimenye. Yagize ati:

“Le Président de la République est tenu responsable d’assurer la protection des citoyens et en est moralement responsable en cas de violations grave des droits humains de ses citoyens”. (Perezida w’igihugu niwe ushinzwe kurinda abenegihugu bose kandi niwe ubibazwa iyo uburenganzira bw’ikiremwa muntu buhungabanyijwe)

Ibi bireba buri wese ushaka kuyobora abantu.

Ni ah’ubutaha!

source texte: Mukundente Ariane,tariki 26/01/2022 source images: photos internet

Niba ushaka kumenya icyo interahamwe zari cyo,kanda hano usome iyi nyandiko….

Kanda hano usome dosiye Niyitegeka Dieudonné aregwamo,ariko akaba yidegembya abanye neza na Leta ya FPR Inkotanyi.

Kanda hano usome inyadiko ya Maitre Valentin Akayezu ifite umutwe ugira uti FPR n’abafaba bayo mu mukino…..